Sunday, June 24, 2007

Usapang Kulangot


Ang sumusunod ay mga resulta ng pagbabalintataw habang ako ay nagiisip at nangungulangot....

**********


Ang tsaa pala ay masarap kapag nilalagyan din ng gatas. Hmm, bago kasi sa akin ito kaya ngayon ko lang nalaman. Malinamnam.

**********

Ang tawag naman nila dito sa dubai sa tsaa na hindi nilalagyan ng gatas ay Solliman.

**********

Ang tawag naman sa tsaa na walang tsaa ay hot water.

**********

Ang tawag naman sa tsaa na walang water ay tsaa.

**********

Ang tawag naman sa bumasa at nagpilit umintindi ng post na ito ay tsa-nga.

Ang Aking Dilemma

Medyo nakakaasar lang dito sa opisina namin ay kahit na anong high-tech niya ay siya pa ring baho ng aming CR, este loo pala.

Kaya tuloy hindi ako basta basta pumapasok. Aba'y para kang sinuga ng tear gas pag pinasok mo yung panlalaking loo dito.

Ang mga solusyon...medyo may kahirapan dahil ang isang pwede kong gawin eh bumaba at maki-cr ..este maki-loo doon sa macdonald's na malapit sa building. Ang siste lang, nasa ika-28 palapag kami at kahit na magelevator ako me kalayuan pa rin. Bukod pa nito ang tindi ng init sa labas

Ang ikalawa kong solusyon eh medyo risque, dahil kapag walang nakatingin bigla akong tumatakbo at pumapasok sa loo ng babae. hehehe. I don't recommend the secoudncourse of action at mahirap na at baka madeport ako, kadarating ko pa lang.

Hmm, paano kaya ito.

Subukan Natin Uli....

Ok, alam ko me hihirit pero teka muna, eto na nga...pagkatapos ng mahigit isang taon na pananahimik sa blog na ito ay nagkaroon ako ng panibagong interes na magsulat sa wikang Filipino.

In short, medyo bored ako ngayon kaya me panahon para ayusin itong aking social experiment....hehehe,mactually, its my foray into writing in the native language.

Tutal, mukang meron rin namang crowd na magbabasa. Sa pagiikot ko sa blogosphere (naks) eh merong ilang mga blog na tagalog na binibisita rin ng mga blogger.

And since, nagsisimula ako sa kamot (i am starting from scratch), medyo iuupdate ko lang kayo.

Mula sa Subic, lumipat na ako sa mainit na lugar ng Dubai dito sa UAE. Mga kapatid, tama ang sinasabi nila, talagang madaming pinoy dito. Kahit san ka lumingon e merong kabayan. Mapagrocery tuloy eh meron ding mga items na sadyang galing sa atin. Opo, ultimo Boy Bawang ay meron dito.

Nagtratrabaho ako dito bilang isang Senior Communications Executive. Wag na kayong magtanong kung ano talaga ang ibig sabihin nito dahil pati ako naguguluhan. Basta kung ano ibigay ng amo ko, ginagawa ko.

Halo-halo ang mga kultura dito, kaya halo-halo din ang amoy. Sa una eh mashoshock ka dahil parang me kumain ng shawarma pero di mo makita kung nasaan ang shawarma stand. Pero you will get used to it. Kung di mo talaga makakayanan eh pigilan mo hininga mo. Yun nga lang eh baka naman malagutan ka.

Ang nakakatawa dito eh marami ring klase ng kabayan dito--me mabait, me nagbabaitbaitan at meron ding holier than thou. Naku, pag tapak mo dito eh para kang probinsiyanong pinakawalan sa siyudad..kahit tiga makati ka pa eh tiyak na malulula ka sa tayog ng mga building dito.

Para ka ring nagcollege ulit kasi sigurado ay titira ka sa isang kwarto na puro double deck at kapwa pinoy ang kasama. Feeling dormitory life ka sa una, pero kapag nakaluwag luwag ka na at tingin mo ay kaya mo na, siya, umupa ka na ng kwarto mo.

Sana ay samahan nyo ako sa mga susunod na araw at titiyakin ko na magigiliw kayo sa akin. (Sabi kasi ng nanay ko Kyut ako)

Hanggang sa muli.