Sunday, July 08, 2007

Wala lang....(No.2)

Dahil sa napakalaki ng syudad ng Dubai, pag nagbasa ka ng libre nilang dyaryo, eh kung ano anong balita ang makikita mo na tiyak matatawa ka.

Isa sa mga balitang nabasa ko recently is about this Pakistani taxi driver na nastuck ang kamay sa fuel tank ng sasakyan nya.

Ang pobre kasi, sira ang fuel gauge kaya hayun, nagmanomano, sinuksok ang kamay dun sa tanke at sinipat kung hanggang saan na lang ang gas niya.

Ayun lang, sumabit..este naipit.

Mahigit tatlong oras na nastuck ang kamay ng driver at inabot ng isang buong team ng Difficult Missions (i swear, yun talaga ang tawag sa kanila) group ng Dubai Police.

Ang siste, hiyang hiya ang driver dahil nagkumpulan ang mga manonoood sa kanya (sigurado ako me pinoy dun). nang matanggal siya, wala na rin, baklas-baklas ang kanyang kotse.

**********

Isa namang Kenyan national ang nakaisip na ipadala ang kanyang sarili via a big box through a carrier. Aba, may magugulang din pala sa mga Kenyan.

Nagprepare na si loko ng supply ng panganim na araw, isang maliit na oxygen tank at damit pangpalit.

Ang kaso lang eh ng nasa airport na yung box eh nadelay ang sasakyan nitong eroplano, si loko nagpanic sa loob dahil six hours na siya dun. Di rin siya nakatagal, ayun, nagtotoktok dun sa box at nanghingi ng tulong.

**********
Maiba naman, pasensya na at di ako masyadong nakapagpost these past few days at medyo busy si Anton. Kinailangan kasi naming magexit to Kish, Iran to give enough leeway time for our respective companies to work on proper visa arrangements.

Ok naman sa Kish. Contrary to what we've been told about the place eh wala naman akong nakitang desperadong pinoy at hindi naman sinusurot ang hotel na tinuluyan namin.

Yun lang at kahit dun ay mainit kaya super kulong lang sa hotel ang ginawa namin at nanuod lang ng cable.

Mura ang yosi, kaya super bili ako ng marami para stock.

Nakabalik na kami bago magstart ang weekend dito.