Tuesday, July 17, 2007

Wala Lang (No.3)

Meron akong nabasa tungkol sa isang bus driver na muntikan ng magpababa sa isa niyang pasaherong babae dahil sa sobrang kaseksihan nito.

Hehe. Masyado daw kasing revealing ang suot at kitang kita ang cleavage kaya hayun, ang pobreng driver nagbitiw ng salita na tuwing tumitingin daw sya sa rear view mirror niya ay nakikita niya ang cleavage ng babae. Maayos namang pinakiusapan ang babae na lumipat. Yun nga lang at napahiya ang babae.

Pinagtanggol naman ng busline ng tsuper at sinasabing tama nga naman ang ginawa ng driver.

Yun nga lang, ang storyang to ang nagsisira sa ating dakilang linya na "Basta driver, sweet lover"

Baka nga naman mabangga kasi.

**********

Dito naman sa Dubai ay may hinuli na apat na kalalakihan sa pagpatay ng isa nilang kasamahan matapos makipaginuman.

Etong kwento, nagiinuman sila, ayun nagkapikunan (hindi naman siguro sa pagkanta ng "MY WAY"). Sinapok nila yung makulit at pinagtulungan..dedo.

Ang nakakatawa sa mga pobre, ang ginawa dahil nagpanic ay nilagay nila ang bangkay sa ilalim ng harapn ng isang nakaparadang bus at pinalabas na nabundol ang biktima.

Syet, genius.

Kaso nabisto, dahil ng makuha ang bangkay ay nagtataka ang pulis kung bakit me ilang spattering of blood sa isang malapit na pader.

Kabilin-bilinan kasi ni lola wag malulong sa alak.

*********

Sa India naman, isang bagong balita..lmasaya nilang inaanounce na meron silang bagong flavor para sa kanilang mga condom..maari na rin kayong makabili ng condom na betel nut flavored.

Para sa mga hindi pamilyar sa betel nut, eto po yung nganga. Yun pong nginunguya ng ating mga lola sa probinsya.

Napakacreative. Sipsip buga nga naman.